wanafunzi wa shule ya msingi wajifunza TEHAMA kwa nadharia

Shule ya msingi Gongoni  iliyopo manispaa ya Tabora bado inaendelea kujifunzia na kufundishia vifaa vya teknolojia ya habari na mawasiliano TEHAMA  kwa njia ya nadharia.

Kauli hiyo imetolewa leo na mwalimu mkuu wa shule ya msingi Gongoni bwana Khamisi Kibango wakati akizungumza na VOT FM STEREO ofisini kwake.

Amesema kuwa hivi karibuni serikali iliahidi kuleta vifaa vya kujifunzia na kufundishia vya teknolojia ya habari na mawasiliano TEHAMA  mashuleni ili kuongeza kiwango cha ufahamu na ufaulu kwa wanafunzi.

Mwalimu Kibango amefafanua kuwa tangu serikali ilipoahidi kuleta vifaa hivyo utekelezaji bado haujafanyika mashuleni hali inayowalazimu walimu kuendelea kufundisha kwa nadharia.

Aidha ameitaka serikali kupitia wizara ya elimu na mafunzo ya ufundi imeombwa kutimiza ahadi iliyotoa ya kuleta vifaa vya kujifunzia na kufundishia vya teknolojia ya habari na mawasiliano TEHAMA  mashuleni.