Serikali imewataka wakulima wa tumbaku kuuza tumbaku yao kwenye vyama vya msingi

Serikali mkoani Tabora imewataka wakulima za zao la tumbaku kuuza tumbaku yao kwenye vyama vyao vya msingi badala ya kuitorosha .

Mkuu wa mkoa wa Tabora bibi Fatuma Mwasa ametoa agizo hilo leo jioni wakati akikagua maandalizi ya soko la zao hilo litakalofanyika kesho katika ghala la kampuni ya TLTC lililopo Kiloleni mjini Tabora.

Amewataka wakulima wa zao hilo kuondoa hofu juu ya madeni wanayodaiwa kwani hakuna mkulima atakaye katwa fedha zake kabla ya madeni yake kuhakikiwa.

Bibi Fatuma amewaasa wakulima hao wa tumbaku kuuza tumbaku yao kwenye vyama vyao vya msingi ili kulinda haki zao kama wanachama wa vyama hivyo.